الأن يمكنك الإستماع و تحميل كورس إختيار شريك الحياة مجاناً - ق سامح موريس | شباب | الرئيسية

الأن يمكنك الإستماع و تحميل كورس إختيار شريك الحياة مجاناً - ق سامح موريس

حجم الخط:

03/04/2011 15:02:00

الأن يمكنك الإستماع و تحميل كورس إختيار شريك الحياة - ق سامح موريس

المحاضرة الأولى

السعادة ليست نتيجة تحصل عليها بدون عناء

لكي تتحق السعادة في الزواج

الأعداد لأكون صالح للزواج -

إختيار الشريك المناسب -

معرفة كيف نعيش الحياة الزوجية -

الأدراك لمفهوم الزواج يساعد في إختيار الشخص المناسب

الزواج هو

أرض جديدة -

( وكالة وأمانة (إمكانية جديدة -

فقد الإستقلالية -

الزواج مبني على الحب والخضوع -

لذلك شبهه الكتاب بعلاقة الكنيسة بالمسيح

:في إختيار شريك الحياة يجب مراعاة

اولا:- الوقت المناسب

(النضوج ( روحياً – نفسياً – إجتماعياً -

النضوج مش مجرد وقت لكنها خطوات ومشوار

اللقاء -

ثانيا:- الشخص المناسب

معين و نظير -

معرفة أنا مين -

التميز بين ما أريد وما أحتاج -

إضغط للإستماع للمحاضرة الأولى

المحاضرة الثانية

معنى النضوج :- ليس معناه الكمال ولكن معناه أن من الأن فصاعد قابل للزواج

النضوج الروحي :- علاقة ثابته وحية مع الرب و وضوح للدعوة

النضوج النفسي :-

- عارف أنا مين

- إنضباط العاطفة

- وضوح القيم

النضوج الإجتماعي

- الإستقلالية

إضغط لتحميل Sheet إختيار شريك الحياة

إضغط للإستماع للمحاضرة الثانية

المحاضرة الثالثة

ثالثاُ:- الدور الإلهي

الدور الإلهي هو رحلة ومشوار يقودني فيه لأكتشف يها نفسي حتى أستطيع أن أختار الشخص المناسب.

رابعاً:- دور العاطفة

عندما أجد الشخص المناسب في الوقت المناسب سأحبه.

إضغط للإستماع للمحاضرة الثالثة

لتحميل المحاضرات على جهازك إضغط على إسم الملف أعلى الصفحة على اليسار

أضف إلى:

التعليقات (64 تعليقات سابقة):

George في 26/04/2013 20:33:24

مشكلتى انى عابر يعنى أصبحت أؤمن بيسوع ونشكر ربنا اتعمدت من حوالى سنه
الأن أبحث عن شريكه حياتى , ولكن هذا يعتبر مستحيل فى مجتمعنا هذا ليس بسبب الدوله , ولكن بسبب الأهل
وانا اريد ان ارتبط بمسيحيه
أعمل ايه ؟؟؟ أرجوكم ساعدونى

rere في 15/04/2013 12:36:43

مساء الخير انا بنت عندى 19 سنة ومكنتش بفكر فى الارتباط دلوقتى لكن من حوالى شهرين اتعرفت على واحد من عندى فى كنيستى وهو شاب كويس واخلاقة ممتازة ولما جة يتعرف عليا حسيت براحة غير عاديةولاقيت فية كل حاجة كنت بتمناها وعرض عليا الارتباط وقدمت مشيئة ربنا وسهل كل حاجة من حواليا بس كنت مترددة جدالسبب انة عندة مشكلة وهى انة رايح الجيش سنة وشهرين ولكن لماعرضت الموضوع فى البيت رحبوا وجة البيت وقابل والدى واتفق ع الارتباط بعد فترة الجيش .بقى بيجى البت اول كل اسبوع لانة خلاص هيسافر الجيش قريب وعاوز يتعامل معايا اننا مخطوبين ومستعجل على حاجات كتير تحصل دلوقتى وانا مش عارفة اسيطر برضة على مشاعرى و ابتديت اتقربلة ومشاعرى بتذيد وهكذا هو اية المفروض يحصل فى الفترة دى ؟ نمارس حياتنا كمخطوبين ولا اية ؟؟؟ ارجوا الرد

أهلاً بك صديقتنا العزيزة
نشكرك على سؤالك ، ونود فقط التأكيد على حدود العلاقة في فترة التعارف
-هدف هذه الفترة هي التعارف على المستوى الفكري والإجتماعي وتجنب أي تلامس جسدي

الرب معك
شكراً
Admin

يم في 13/04/2013 22:36:39

انا عندى مشكلة وبعتلكم ع الايميل ارجو الرد سريعا لانى فعلا محتاجة رد
شكرا

nardeen في 09/03/2013 03:20:10

انا مخطوبه من شهر وكنت انا وخطيبى بنحب بعض اديلنا مده واحنا متوافقين جدا وعملنا شيت اختيار شريك الحياة بس مش قادره نحس بان احنا مستمتعين بالخطوبه زى ما الناس بتقول انه المفروض يحصل ونفسنا نتعلم اكتتر عن الخطوبه وايه اللى يحصل فيها وازاى ممكن ندير الفتره دى فى حياتنا بشكل صح ونستمتع ونتبسط بيها

أهلاً بك صديقتنا ناردين
نشكرك على تواصلك معنا ، يمكنك متابعة الدورة الدراسية المخطوبين وللمتزوجين أقل من 5 سنوات على الرابط التالي
http://www.kdec.net/the-family/marriage/marriage-course-2013/index.1.html
ويمكنك أيضاً التواصل مع مكتب المشورة على 01276495328
من الساعة 10:00 صباحاً وحتى الساعة 4:00 مساءً

شكراً
Admin

جون في 20/02/2013 16:39:13

انا اتعرف على فتاة لقيت فيها كل الصفات ال عاوزاها وكمان هى بنت ربنا هى حبتنى بس انا مش عارف احس بشعور الحب تجاها وهى عارفة بكدا هل ينفع اكمل معاها لحد ما احبها ولا لا ارجو افادتى شكرا

في إختيار شريك الحياة لا يتم الإختيار بناء على المشاعر فقط وإنما على أساس التفاهم والتوافق في الصفات الشخصية والروحية والإجتماعية وهذا التناغم هو الذي يجعل المشاعر تتحرك
ولقد تناولنا هذا الموضوع بالتفصيل في دراسة إختيار شريك الحياة في مدرسة المسيح على الرابط التالي
http://www.schoolofchrist.tv/school-of-christ/human-relations/choosing-your-partener/index.1.html

شكراً
Admin

remon في 12/02/2013 14:52:40

مشكلتى انى بحب حد دلوقتى وجيت اجربوة فى الكلام عن الشقة كونت بتكلم بقوالها انى لو مش عرفتى انى القى شقة كويسه تناسب امكانياتى وبدل ما اطول فى فترة معرفتى بيكى وحبنا لبعض اعجل من الخطوبة واتجوز مع امى بدل ما احنا دلوقتى مش حد عارف اننا بنحب بعض وهاضر انى اعيش مع ولدتى انا ولدى متوفى طبعا دة هاعملوا لو مش لقيت شقة كويسها راحت قالت ليه مش هاوافق لو كونت جيت قولتلى من الاول انى مش عندى شقة وهاعيش مع امى مش كونت قبلت بيك ولا اهلى هايقبلوة بيك المهم بقة انى مش فترة كونت بقوالها انى هاعيش نصف الاسبع عند امى وهاعيش باقى الايام فى بيتنا المهم بقى لما لقيت رد الفعل الغريب دة قولت ازاى انتى كونتى قابلها انك تعيشى 3 ايام مع امى والباقى فى بيتنا مش عارف اصدق اللى كانت بتقوالى موافقه اعيش 3 ايام عند امك والباقى فى شقيتنا ولا اصدق اللى بتقوالى مش كونت هاقبل انى اعيش مع امك ولازم يكون ليه شقة لوحدى انا مختار جيدا وخايف بعد الجواز مش تقبل انها تروح معاباه الى امى على حسب اتفقنا انها تعيش 3 ايام عند امى والباقى فى شقتنا وعلى فكرة كل دة كان اختبار مش اكتر قولت اختبارة فى الكلام كدة

أهلاً بك صديقنا ريمون
نشكرك على سؤالك ، ولكن نود أن نؤكد عليك أن الأرتباط مبني على الإتفاق والتفاهم وليس الإختبارات والإمتحانات
بمعنى إذا كنتم متفقين معاً على مبدأ معين فلابد لك أن تلتزم به والإخلال بهذه الإتفاقية يتيح للطراف الأخر إما القبول أو الرفض
ولكن دعني أسألك لماذا تريد أن تمتحن خطيبتك ؟ هل انت لا تثق فيها ؟ وهل ستقبل ان تمتحنك هي ايضاً لتختبر مدي حبك وتمسكك بها ؟

الرب معك ويعطيك حكمة

شكراً
admin

مريم في 07/02/2013 16:06:27

انا كنت بعت مشكلتى امبارح بس محدش رد عليا ومش عارفة اية الاسباب معلش ممكن حد يهتم ويبعتلى الرد

أهلاً بك صديقتنا مريم
نعتذر عن التأخير ، تم الرد على سؤالك

شكراً
Admin

ماجد مكرم في 07/02/2013 16:04:42

انا فعلا عملت دونلود لإختيار شريك الحياةmp3 بس فى مشكلة قبلتها فى التحميل ان الجزء التانى والتالت نزلوا فعلا والاول لا ومش عارف ايه المشكلة ...انا فعلا محتاج اسمع صوت ربنا فى موضوع اختيار شريك الحياة بليز ياريت حد يشوف مشكلة الجزء الاول ومشكلته فى التحميل !!

أهلاً بك صديقنا ماجد
نشكرك على تواصلك معنا ، الملفات تعمل جيداً ، من فضلك حاول مرة اخرى

شكراً
Admin

مريم في 07/02/2013 04:17:48

انا بنت عندى 25 سنة اتعرفت على حد بس هو اصغر منى بسنتين مش عارفة دة صح ولا لا كمان انا ظروفى صعبة شوية مش اى حد ممكن يقبلهاحاجةبس مفهاش حاجة تخجلنى او مشينة بس ظروف ربنا اراد واتحطيت فيها خاصة باهلى وانا خايفة ان لو هو قبلها اهلة ميقبلوهاش وانا مش عايزة اكمل مع حد واكتشف انة مينفعش اكمل معاة واتعب لما احبة ويسبنى مش عارفة اعمل اية ممكن تصلولى عشان اسمع صوت ربنا بوضوح لانى طالبة ارادتة وخايفة ميكونش من ايد ربنا كمان يريد حد ينصحنى اعمل اية وصلو معايا بليز

أهلاً بك صديقتنا مريم
نشكرك على تواصلك معنا ،
بالنسبة لفرق السن من الممكن أن ترتبط الفتاه بشخص أصغر منها في الحدود المناسب إذا وجدت أن هذا هو الشخص المناسب
ولمعرفة ما إذا كان هذا هو الشخص المناسب أم لا
نشجعك على مشاهدة حلقات إختيار شريك الحياة جيداً لمعرفة المبادئ الإساسية في إختيار شريك حياتك ومعرفة المعاير الأساسية التي تساعدك على الإختيارعلي الرابط التالي
http://www.schoolofchrist.tv/school-of-christ/human-relations/choosing-your-partener/index.1.html
أما بالنسبة لمصراحتك له بظروفك العائلية : فبعد أن تتأكدي أنه الشخص المناسب يمكنك مصراحته بظروفك

شكراً
Admin

بنت المسيح في 17/12/2012 21:59:38

أنا مشكلتي كبيره و حقيقي محتاجه مساعده أنا عرفت ولد وحبيته و كان عندي 18 سنه و هو أكبر من ب تلات سنين إقتنعت بشخصيته و حسيت إن هو دا الشخص المناسب صليت كتير لربنا وكنت خايفه أحبه عشان أهلي مابيعترفوش بالحب صليت بدموع و لقيت الموضوع بيكمل و لقيته بعدها بشهرين بيقولي بحبك و عايز أتجوزك فقولتله إني كمان بحبه طلب أعرف أهلي و رفضت عشان خفت منهم و كملنا لسنين مع بعض هو ظروفه الماديه أقل مني لكن هو مش فقير يعني هو متوسط لكن أهلي لما عرفوا حبسوني و غضبوا عليا و قعدت سنتين بعيد عنه لكن كنت بعرف أكلمه في التليفلون لجأت لدكاتره نفسيين و خدام مشوره و للأسف محدش ساعدنا أهلي مش مقتنعين بيه خالص و أنا بحبه لدرجة إني مش قادره أتخيل إني اكون لغيره أبداً شخصيته مناسبه ليا جداً و برتاح معاه أنا دلوقتي 24 سنه و رأيي فيه عمره ما إتغير و دلوقتي أهلي ممكن يوافقوا على الخطوبه لكن علاقتي بيهم بقت مش حلوه و هما لو هيوافقوا هيبقوا زعلانين مني و هما شايفين إني بضيع نفسي عشان هعيش في حي أقل من اللي كنت هأعيش فيه لو وافقت على أي حد من المناسبين اللي إتقدمولي و هو هيجبلي شبكه بنص تمن اللي كان هيجيبوهالي أي حد من اللي إتقدمولي و معندوش أملاك ولا فلوس في البنك غير الفلوس اللي هيتجوز بيها المشكله الكبيره إننا غلطنا زمان كذا مره لكن توبنا و عايشين في توبه لينا كذا سنه و في كاهن صلالي إن لو في أي قيد ينكسر و إحنا بنصلي حتى مع بعض في التليفون و مش هنغلط تاني و إتفقنا حتى أقصى الحدود بينا تكون مسكة الإيد لحد ما نتجوز أنا خايفه جداً إن الغلطه القديمه دي تخلينا نفشل لو إتجوزنا و خايفه مايكونش هو اللي ربنا إختارهولي رغم إننا مرتاحين نفسياً و شخصياً مع بعد و مستوانا الروحي متقارب و أنا بجد خايفه يكون أهلي رأيهم صح لأني مش قادره أتخيل إني أتجوز غيره و مش متخيله أصلاً إن أقدر أحب حد تاني فأرجوكم ساعدوني هل عشان غلطنا زمان حتى لو توبنا حياتنا هتكون فاشله و هل أنا عشان مقتنعه بشخصيته و إن شغله حلو دا مش كفايه عشان هو على أده مادياً

أهلاً بك صديقتنا العزيزة
نشكرك على ثقتك فينا ومشاركتك لنا
ثقي ان الرب غفر لك فهو يغفر كل ذنوبك ولا يعود يذكرها ثانية
فالرب يقول في (إش 43: 25).
«أَنَا أَنَا هُوَ الْمَاحِي ذُنُوبَكَ لأَجْلِ نَفْسِي وَخَطَايَاكَ لاَ أَذْكُرُهَا.»
وكذلك يقول في (إش ٤٤: ٢٢).
«قَدْ مَحَوْتُ كَغَيْمٍ ذُنُوبَكَ وَكَسَحَابَةٍ خَطَايَاكَ. ارْجِعْ إِلَيَّ لأَنِّي فَدَيْتُكَ.
ولكن إدانة النفس يجعلك مرتبطه بالماضي وجراحه وآلامه فلا تستطيعي أن أستمتعي بغفران الله لك
فالشعور بالذنب سيجعلك تعودي للخطية بسهوله
أما بالنسبه للشخص فيمكنك التأكد إن كان هو الشخص المناسب أم لا نشجعك على الإستماع لدراسة إختيار شريك الحياة
http://www.schoolofchrist.tv/school-of-christ/human-relations/choosing-your-partener/index.1.html
فإذا وجدت تناسب في السمات الشخصية بينك وبينه فسوف ينجح زواجكما وإذا لم تجدي تناسب في السمات الشخصية فسوف تحتاجين إلى توقف هذا العلاقة فوراً

شكراً
Admin

كيرلس مجدي في 18/11/2012 15:46:09

انا مش عارف اشكر القسيس سامح قد ايه انا كنت بحب بنت وبعد السيمينار ده اكتشفت فعلا انها ماتناسبنيش من قبل مااحل الشيت حتى ميرسي بجد ربنا يباركك

beshoy في 14/11/2012 23:58:46

اتمنى حد اتكلم معاه بخصوص موضوع دا علشان بالنسبالى دى مشكله و يارب اعرف اصححها اسمى بيشوى فى طب اسنان

أهلاً بك صديقنا بيشوي
نشكرك على تواصلك معنا ، نشجعك على التواصل معنا بشكل شخصي على kdec@kdec.net

شكراً
Admin

جمال في 14/11/2012 14:07:36

انا مسيحي مصري ومقيم باستراليا وارغب في الارباط باانثه لاتقل عن 25 سنه ولايشترط الموهل الدراسي وليس مطلوب منها اي جهاز او تجهيز

-5

leaderbye في 26/10/2012 10:43:53

انا عندي 33 سنة واريد ابحث عن شريكة الحياة لكن يوجد مشكلة عندي هي كيف اميز بين ارادة الله واختياري الشخصي وانا اصلي دائما ان اله يعطني زوجة من عنده واقول له اريني اختيارك.انا اريدج ارادة الله ةاختيارة ليس ارادتي لاني ارارتي ناقصة واختيار ناقص زكيف اعرف ان هذه الفناة او تلك هي منماسبة لي وهي من عند الله او من اختياري الشخصي اصلي دائما في هذا الامر لكي اعرف اميز زليف اعرف ارادته

أهلاً بك صديقنا العزيز
إختيار شريك الحياه هو مزيج بين اختياري الشخصي وبين التعرف وتمييز ارادة الله ومشيئته في حياتي ولا ينبني على احداها فقط
بالنسبة الى الاختيار الشخصي نشجعك على دراسة موضوع إختيار شريك الحياه جيداً لتتعرف على طرق الله في الاختيار وستجدها على الرابط التالي
http://www.schoolofchrist.tv/school-of-christ/human-relations/choosing-your-partener/index.1.html
ثانياً:- تمييز إرادة الله وذلك عن طريق أن تأخذ هذه المعاير الكتابية وتضعها أمام الرب لتتأكد من قرارك
الله معك

شكراً
Admin

The King's Daughter في 18/10/2012 18:28:44

هل الحب بين فتاه و شاب في سن ١٨ و ١٩ سنة ينجح فعلا و يمكن أن ينتهي بألزواج ؟؟ أم إن هذه مجرد أوهام أعيشها أنا و هو ؟؟ مع العلم إنه عاقل جدا و شاف في الدنيا مواقف صعبة كتير كونت منه شخصية أخرى غير التي كانت عليه .. كموت أعز اصدقائه أمام عينيه .. المشكلة إنه بيحبني أكتر ما أنا بحبه ... أنا عقلانية أوي و ده إلي بيخليني دايما أفكر هل العلاقة دي مضايقة يسوع مني؟ هل هو زعلان إني بعدت عنه و تعلقت بشخص؟ دايما بحس إني بعمل حاجة غلط ل مجرد إني بكلمه بطريقة الأحباب.. و أكيد طبعا مش بنعمل حاجة تضايق يسوع!
أنا محتارة جدا أرجوكم ساعدوني ..
نسيت أقولكم إنه فعلا كذا مرة يطلب مني أقول لماما و كدة بس أنا مش مستعدة ،،،
هل فعلا هنفضل نحب بعض لمدة ٥ سنين (كلية) ده غير الخطوبة ؟ مش هانتغير؟؟
عايزة إجابة أسمع بها صوت يسوع أرجوكم... لأني بجد تعبت

أهلاً بك صديقتنا العزيزة
نشكرك على تواصلك معنا وثقتك فينا
في إختيار شريك الحياة يجب مراعاة
النضوج ( روحياً – نفسياً – إجتماعياً)
النضوج مش مجرد وقت لكنها خطوات ومشوار
بمعني :-
النضوج الروحي هو العلاقة الثابته مع الله
النضوج النفسي هو أن الشخص لديه علاقه مع نفسه ويقبلها بمميزاتها وعيوبها
النضوج إجتماعياً هو أن يكون للشخص علاقات سوية وصحية مع الناس
وهذا لا يتحقق في هذا السن المبكر لان الشخص في هذا السن يتغيير بإستمرار
لقد تناولنا هذا الموضع بالتفصيل في مدرسة المسيح على الرابط التالي
http://www.schoolofchrist.tv/school-of-christ/human-relations/choosing-your-partener/index.1.html
نشجعك على مشاهدة الحلقات ونُرحب بأسألتك
صديقتنا العزيزة نحب أن تفكري في بعض الأسئله
لماذا تشعري أن هذه العلاقة اوهام ؟
هل تجدي أن العقلانية عيب في شخصيتك؟
لماذا تشعري أن يسوع متضايق من هذه العلاقة؟
وإيضاً نحن نُحب أن نواصل معك بشكل شخصي إذا اردت

شكراً
Admin

جورج في 12/10/2012 23:09:43

انا شوفت بنات بهدف الارتباط و لكن عن طريق جواز الصالونات و فى واحدة زميلة واحدة زميلة والدتى عرفتنى على بنت قريبتها قابلتها حوالى 3 مرات بس حسيت انى مرتحالها و انها مطيعة اوى و هى من ناحيتها هى مقتنعة بيا هى و اهلها جدا بس انا مبدئى و اللى بسمعه كتير فى محاضرات مشورة ان لازم اهلها يكونوا على نفس المستوى المادى و الاجتماعى و الاخلاقى هما ناس بسيطة جدا و طيبين اوى و اخلاقهم كويسة بس المشكلة ان باباها و مامتها مش متعلمين و الاب تاجر و لما بتكلم معاه بحس ان التفكير و اسلوب التفكير مختلف لكن البنت متعلمة و مؤهل عالى و تفكيرها ممتاز و محتار جدا مش عارف اعمل ايه و الحيرة اللى انا فيها ليها ابعاد تانية بس مش هقدر سرد الموضوع كله هنا رجاء محبة الافادة

اهلاً بك صديقنا جورج
ليست المشكلة في كيفية التعرف على الشخص سواء في مؤتمر أو صالون
المهم هو هل هذا الشخص يناسبك ويناسب صفاتك الروحية والنفسية ليس المهم انه أفضل شخص تعرفت عليه ولكن هل يتناسب معك , ليس المهم انها مطيعة ولكن هل تستطيع أن تتعامل مع صفاتها المختلفة معك
بالنسبة للمستوى المادي والاجتماعي فوجود تقارب بينكم فيه مهم جداً ولكن المقياس هنا هو الشخص نفسه الذي سوف ترتبط به فإذا كان الشخص قابل للنمو الاجتماعي فأعتقد سيكون اختيار جيد.

الله معك
شكراً
Admin

-1

marian في 18/09/2012 21:12:03

ربنا يبارك خدمتكم ونفسى يكون فى تواصل مستمر بينكم بشكل سهل لة فى أميل او شات على الفيس يكون افضل وربنا يعوضكم

أهلاً بك صدقتنا ماريان
يمكنك التواصل معنا بشكل شخصي على kdec@kdec.net

شكراً
Admin

mariam في 15/09/2012 10:52:19

انا عايزة الشيت بتاع اختيار شريك الحياه وكل ما بدخل على الرابط مش بلاقى الشيت ممكن تبعتهولى

أهلاً بك صديقتنا مريم
ستجدي الشيت على الرابط التالي
http://www.kdec.net/files/books/Marraige-Sheet.pdf

نُرحب بأسألتك
شكراً
Admin

boules في 13/09/2012 11:41:28

ارجوكم لو موجودين فيديو ترفعوهم او تكتب اللينكات بتاعتهم ... و شكرا

أهلاً بك صديقنا العزيز بولس
ستجد موضع إختيار شريك الحياة بالتفصيل على موقع مدرسة المسيح على الرابط التالي
http://www.schoolofchrist.tv/school-of-christ/human-relations/choosing-your-partener/index.1.html
نُرحب بأسألتك

شكراً
Admin

glass insulators value في 04/09/2012 07:24:21