٢١ يوم صوم وصلاة
تصحيح - راحة - استرداد
فرصة روحية لنتحد معًا في وقت مميز من الصوم والصلاة على مدار ٢١ يومًا. ندعوكم للاطلاع على الملف المرفق لمتابعة التفاصيل اليومية.
يا كنيسة الرب …
الرب من أول السنة بيجهّز قلوبنا كأفراد وكجماعة، أننا نرجع للمحبة الأولى؛ ونقوله : "يارب، إحنا عايزينك أنتَ… مش عايزين غيرك.”
الله بينادي علينا نطلب وجه مش يده؛ نطلبه هو لشخصه، مش عطاياه.
بيدعونا نوّقف كل اللي بنعمله، ونرجع نكون فيه.
الله دعانا أن نتوقف (PAUSE)!
نوّقف الخدمة، أنشطة، وحتى الاجتماعات… ونقف قدامه هو.
علشان نرجع للتصميم الأصلي. نرتاح فيه، وهو يرتاح فينا. يسترد فكرنا، ويجدد دعوتنا.
RESET, REST, RESTORE – تصحيح، راحة، واسترداد.
علشان كده، بندعوك تنضم لينا في ٢١ يوم من الصوم والصلاة والتكريس الكامل (٤ - ٢٥ مايو) في كنيسة قصر الدوبارة.
كل حاجة هتوقف علشان نكون قدامه هو وبس.
وكل اجتماعات الكنيسة هتتحول لاجتماعات صلاة مفتوحة، ونجتمع معاً:
الجمعة:
• من ١٢ إلى ٣ ظهراً - ومن ٥ إلى ٨ مساءً
الأحد:
• من ٦:٣٠ إلى ٩ مساءً
الثلاثاء:
• من ٦:٣٠ إلى ٩ مساءً
كل الاجتماعات غير مذاعة خلال الـ٢١ يوم، مش بنتابع من بعيد، لكن بنقابله وجهًا لوجه.
الرب بيجهّزنا لبداية جديدة… تعالى خليك جزء منها!